Вчерашниот ден ни донесе медицински прегледи на Гоназло Игуаин и Матиа Калдара, двете нови засилувања во црвено-црниот дрес. По изјавата на Креспо, проговори и Андриј Шевченко, еден од најомилените играчи во историјата на Милан и секако еден од најдобрите напаѓачи во историјата на фудбалот. Тој за денешното издание на Газета дело Спорт ги претстави своите видувања за трансферот на Игуаин и напомена дека Игуаин не може да се спореди со ниту еден напаѓач од историјата на Милан.
На кого наликува Игуаин? На никого.. и доста веќе со тие спроедби, тие можат само да наштетат. Игуаин не личи на мене, не потсеќа ниту на Инзаги, ниту пак на ниту еден напаѓач од минатото на Милан, но тој има големо искуство во Италија и мора да биде почитуван поради тоа. Станува збор за одличен трансфер. Дали вреди трансферот земајќи ја во предвид неговата висока плата? Играч со неговиот квалитет, ако е мотивиран, вреди за платената сума, а како што можам да забележам, Гонзало е навистина мотивиран.
Гонзало Игуаин во Ла Мадонина клиниката, на 2 август 2018
Зашто ми се допаѓа? Има чувство за гол, ја познава италијанската лига, постигна многу голови и делува дека е навистина мотивиран. Милан во минатото беше дом на многу врвни играчи, па од таму не се ни сомневам дека знаат како да третираат вакви врвни играчи. Бонучи во Јуве? Ова е позитивен договор за сите страни: Бонучи ја засилува одбраната на Јуве, но Милан добива талентиран млад играч како Калдара и заедно со таа размена, добива играч како Игуаин, играч кој може да направи разлика на теренот. Дали тимовите од Милано се доближија до Јувентус во ова меркато? Ова е навистина лудо и прекрасно трансфер лето во Сериа А, што привлече и големо медиумско внимание. Знаете, јас се чувствувам како италијанец од фудбалска гледна точка, па така ако лигата е компетитивна јас сум среќен. Долг е патот, но мојата омилена Сериа А пополека станува повторно интересна.
Андриј Шевченко, Џенаро Гатузо и Леонардо на мечот Удинезе-Милан на стадионот Фриули
Дали би се вратил во Милан? Јас сум горд што сум селектор на репрезентацијата на Украина, за во иднина ќе видиме, но во моментов јас сум многу среќен со новата патека на Милан. Милан е се уште мојот дом, се што е поврзано со Милан јас го доживувам лично. Други важни работи во оваа нова патека на Милан? Се надевам дека ќе го задржат Гатузо, тоа е исклучително важен чекор. Исто така, мислам дека е време некој да се врати во клубот, некој со црвено-црно минато, а сепак нов. Дали алудирам на Малдини? Можеби.. сега, јас имам надеж.
