Ѕвездата на тимот и моментално најрасположениот играч, Сусо, даде свое видување за мечот против Сасуоло како и за атмосферата во тимот. Во продолжение, прочитајте дел од неговото интервју:
Јас мислам дека ова беше многу важен натпревар за нашата ситуација. Игравме добро, ги заслуживме 3те бода и сега за паузата за интернационална пауза, ќе бидеме повеќе релаксирани. Беше деликатен момент за тренерот и за нас, бидејќи работевме напорно а перформансите не беа она што го сакавме. Сега може да се одмориме и да почнеме да се подготвуваме за мечот против Наполи.
Јас сум многу среќен тука, целиот тим е прекрасен, тренерот има голема верба во мене и јас се обидувам да му возвратам со моите изданија на теренот. Секогаш сум го велел истото, имам одличен однос со тренерот и сум среќен за него исто така. Имаме многу квалитетни играчи во нападот, како што се Никола Калиниќ, Андре Силва и Патрик Кутроне, со имаат различни карактеристики кои го надополнуваат тимот. Тие треба да бидат релаксирани, затоа што головите ќе дојдат.
