На Милан му претстои клучен месец во пресрет на новата сезона. Се очекува одлуката на УЕФА за учеството на Милан во Лига Европа, што ќе биде клучен момент околку кој ќе се обликува новата сезона на Милан.
Црвено-црните немаат обврски со клубот овој месец, па се очекува да се вратат назад во Миланело на 9ти јули. Дел од момците на Рино Гатузо ќе ја претставуваат својата репрезентација на претстојното Светско Првенство во Русија. Биглиа (Аргентина, група Д), Родригез (Швајцарија, група Е), Калиниќ (Хрватска, група Д), Андре Силва (Португалија, група Б) и Запата (Колумбија, група Х) се играчите кои ќе бидат активни во Русија, почнувајќи од 14ти јуни. Друг дел од играчите имаат обврски за своите репрезентации во неколку пријателски натпревари – Бонучи, Донарума, Ромањоли и Бонавентура, кои со својата Италија, вечерва ќе одиграат пријателски натпревар против Франција во Ница, а на 4ти Јуни ќе се сретнат со репрезентацијата на Холандија во Торино.
Сезоната 2017/18 завршува на 30ти јунии во истиот момент, започнува новата 2018/19 сезона, уште веднаш може да се очекуваат разни информации поврзани со трансфер пазарот, обновување на договори, враќање на играчи од позајмица, како и договори за спонзорства.
