Во неделата Милан не успеа да ја задржи предноста и одигра 1-1 со Удинезе на Дачиа Арена. По натпреварот, тренерот Гатузо и Сусо дадоа свое видување за самиот натпревар. Во продолжение ви пренесуваме дел од нивните изјави.
ГАТУЗО:
Имаме што да жалиме. Премногу сме наивни, ова е 6ти црвен картон сезонава. Проблемот е во годините, ние сме многу млада и неискусна екипа. Покрај нашите грешки, мора да се пофали и тимот на Удинезе. Сепак, јас сум задоволен од играта на мојот тим. Игравме квалитетен фудбал, а сепак не успеавме да победиме. Нашата грешка пред примениот гол беше тоа што премногу се повлековме. Треба да продолжиме да работиме напорно, давајќи се од себе на секој натпревар. Победите се креираат во текот на неделата, подготвувајќи се за натпреварите со акцент и на најмалите детали.
СУСО:
Игравме убаво и го контролиравме натпреварот се до црвениот картон. Дури и со играч помалце, сакамве да победиме но сепак не успеавме. Јас секогаш сакам да постигнувам голови, но искрено побитно ми е тимот да победува. Тимот работи многу подобро, тренираме напорно и промената може да се види на самиот терен. Да постигневме и втор гол, натпреварот ќе беше многу полесен, но тоа е фудбалот. Има уште многу натпревари за играње. Мораме да го победиме СПАЛ, бидејќи не можеме да си дозволиме киксови против такви екипи.
