Утре во 20.45 часот на програмата е „Il vero Derby d’Italia“ или „Вистинското Дерби на Италија“ помеѓу Милан и Јувентус во Торино. После одржување на последниот тренинг во Милано, Гатузо на прес-конференција им се обрати на новинарите, целосно фокусиран и посветен на утакмицата, свесен за важноста на натпреварот во борбата за четвртото место и Лигата на Шампионите:
Паузата навистина ни беше потребна. Играчите кои играа со своите национални тимови, исто така успеаа да ги наполнат батериите и се вратија порелаксирани и ведри. Ги следам момците неколку дена, и можам да кажам дека тие со во одлична состојба и едвај чекаат да истрчаат на теренот против Јувентус. Се надеваме дека ќе продолжиме со добрата табота и ќе продолжиме да победуваме и во овој најважен дел од сезоната за нас.
Ќе објави клубот кога ќе го потпишеме договорот, а моите приоритети сега се Јувентус, Интер, останатите натпревари од Серија А и финалето на Купот на Италија. Она за што се бориме во моментов е многу важно, мојот договор не е приоритет.
Јас, мојот персонал и докторите многу зборувавме со Андреа во изминатите месеци. Мислам дека успеавме да го мотивираме добро во вакви ситуации, желбата за игра може да биде незгодна. Тој сега е во САД и ние сеуште не знаме дали треба да оди на нова операција или не. Конти го сакаат сите во клубот и во овие тешки моменти, сите сме покрај него.
Калиниќ сам се тренираше со мојот персонал, кога остатокот од тимот имаше слободен ден. Тој е играч кој сè уште може да биде важен за нас. Го исклучив за натпреварот против Киево, бидејќи видов дека не е задоволен и не тренира добро. Но, тоа е во минатото. Поминавме преку тоа. Не е лесно да одлучам кој ќе игра утре, бидејќи сите тројца (Кутроне, Калиниќ и Андре Силва) докажуваат дека можат да играат од самиот почеток. Тоа е тешка одлука.
Ова е прв пат Лео да се врати во Торино како противник на Јуве и, се разбира, тоа ќе биде посебно чувство за него, но го видов дека е навистина сконцентриран. Џиџо Донарума мора да се фокусира на овој натпревар и да не размислува за минатот.
Јуве беа непобедливи во последните 6 години и ние сме свесни за тоа, свесни сме дека ќе биде многу тежок меч, но јас сум уверен дека ќе одиграме одличен натпревар. Мораме да играме тимски, иако некои утакмици ги одлучуваат поединци. Навистина мораме да бидеме скромни, да го почитуваме нашиот противник кој во моментов е посилен од нас.
Ние сме целосно фокусирани на натпреварот со Јуве, имаме многу што да загубиме, и ние, и они. Се наоѓаме во трка за еден многу важен успех кој се чинеше речиси невозможен само пред неколку месеци. Јувентус е машина, тие се навикнати да се подготвуваат за два многу важни натпревара во само неколку дена. Тие не се плашат од ништо и сега ќе бидат насочени само кон утакмицата против нас, а ќе почнат да се подготвуваат за Реал Мадрид дури после утре.
Алегри и Дибала, Манџукиќ, Даглас Коста и Игуаин заедно? За нас не прави никаква разлика, подготвивме различни тактички решениа врз основа на тоа тие како ќе играат.
