Во четвртото коло од Серија А, Милан ќе му гостува на Каљари на Сардинија. Претходната сезона, Милан два пати успеа да го победи Каљари со идентичен резултат од 2-1. И овојпат се очекува тежок натпревар, кој Милан треба да го добие за да остане на врвот на табелата и едно од местата кои водат во Лигата на шампионите.
Џенаро Гатузо одговараше на прашањата од медиумите на стандардната прес-конференција пред натпреварот.
Се соочуваме со еден навистина силен тим на стадион на кој секогаш е тешко да се игра. Каљари може да биде навистина опасен и ние треба да прикажеме одлична игра. Има пријатна атмосфера, а момчињата мора да бидат подготвени да дадат се од себе. Сакам да видам голема концентрација и треба да издржиме таму. Паволети е еден од најсилните играчи во Серија А. Барела е интересен иден талент и ми се допаѓа. Размислувавме да го потпишеме за време на трансфер периодот.
Не сакам многу комплименти, слушнав толку многу во текот на изминатите десет дена по добрата игра против Ромите и треба да продолжиме понатаму. Треба да бидеме супер фокусирани низ целиот натпревар. Игравме добро против Рома, но исто така бевме и многу блиску да го загубиме тој натпревар.
Игуаин сака да постигне гол и кога нема, тој е лут. Тоа те прави да разбереш дека е врвен играч. Ни помага многу, тој е доследен и се однесува како вистински лидер. Доколку новите играчи велат дека се чувствуваат како дома, тоа е заслуга на момците, не е благодарение на мене или мојот персонал. Ромањоли е многу подобрен, Реина е неверојатен лидер.
Најтешката одлука е да го изберам мојот стартен состав, бидејќи сите играчи навистина ја покажуваат својата посветеност. Ако имавме повеќе играчи во Миланело за време на паузата, би можеле да одлучиме и да пробаме поинаков систем на игра, но тоа не беше можно, а јас не сум оној кој сака да импровизира.
Џиџо треба да биде конзистентен во играта, очекувам многу од него. Тој треба да продолжи вака, работи со таков одличен професионалец како Реина и ако научи од него, тој може многу да се подобри. Долги години имал тренер кој му овозможил да расте, сега нешто се сменило во однос на методите за обука, тој само треба да работи и не смее да слуша што зборуваат медиумите за него.
Калдара знае што му треба и е свесен за своите квалитети. Тој е навистина интелигентен и со голем менталитет, тој е врвен професионалец. Воопшто не го сметам за проблем, тој може да биде многу корисен и цврсто верувам во него. Жалам за Патрик, но мислам дека тоа не е ништо сериозно и се надевам дека ќе се врати за Лига Европа. Ние исто така можеме да играме со лажни деветки, имаме Борини како опција таму. Не размислуваме да потпишеме некој што може да игра во улогата на Биглиа во јануари, веќе ги имаме Бертолачи и Маури и кога ни треба, ние да ги играме на позицијата на Лукас. Бакајоко треба да ги научи вистинските движења, тој навистина работи напорно, но треба да вложи дополнителен напор и да научи италијански што е можно побрзо.
Савичевиќ правеше магии со топката во нозете, изгледаше како да не можеше да стигне до топката, но потоа со врвот на прстите тој би поминал покрај секого. Навистина фантастичен играч кој постигна прекрасен гол во финалето на Лигата на шампионите и го освои купот во Атина, исто како и јас.
