Росонерите се во Лондон. Момците на Рино пристигнаа во англиската престолнина, подготвувајќи се за реванш натпреварот против Арсенал, во рамките на елиминационата фаза на Лига Европа. Тренерот Гатузо, заедно со шпанецот Сусо, беа присутни на стандардната прес-конференција на Емирати. Во продолжение ви пренесуваме дел од нивните изјави.
ЏЕНАРО ГАТУЗО
Горди сме што ќе играме на вака убав и важен стадион. Нашата должност е да го дадеме максимумот, поради овој дрес кој го носиме. Работевме напорно пред овој натпревар и мислам дека сме овој пат сме подобро подготвени. Во првиот меч, не игравме со правиот пристап. Овој пат, мора да бидеме покомпактен тим. Ние немаме што да загубиме, ќе дадеме се од себе. Знаеме дека ќе биде тешко, но ние сме родени подготвени. Ова е фудбал и нема ништо поубаво од тоа да победиш наспроти сите очекувања и да креираш историја. Утрешниот натпревар ќе биде поинаков. Ние ќе дадеме се од себе, но знаеме дека мора да го одиграме перфектниот натпревар. Ние не сме тим кој ја искористува секоја шанса. Добро комбинираме се до крајот, но не секогаш финишираме како што треба. Имаме подобрувања, но мора уште да се подобриме.
Џиџо ќе стартува утре. Со него, разговарам секој ден. Тој е еден од ретките играчи со кој пијам кафе. Во овие изминати месеци, ние секогаш имавме добар однос. Тој е навистина млад играч и се уште има потреба од помош. Навивачите понекогаш се груби со него и забораваат колку години има. Сега, тој е фокусиран само на неговата игра, затоа што ако почне да размислува на други работи, ќе направи непотребни грешки. Калиниќ и Силва ја имаат поддршката од целиот тим. За нив е навистина важно да постигнат гол. Забележувам зрелост и солидарност помеѓу момците, ние креираме нешто важно и мора да продолжиме со поддршката еден кон друг. Чалханоглу игра добро и јас сум задоволен од неговите изданија. Можеби не одигра најсјајно во последните неколку натпревари, но тој секогаш помага на тимот.
СУСО
Натпреварот на Сан Сиро не се одвиваше како што очекувавме. На вториов меч, треба да играме со вистински менталит и да се обидеме да одиграме како тим. Ова е навистина тежок предизвик бидејќи пред се, играме на еден важен стадион, но ние ќе дадеме се од себе. Арсенал игра атрактивен и напаѓачки фудбал и тие се навистина добар тим. Мора да бидеме претпазливи, но ако играме како тим, можеме да успееме. Ние немаме што да загубиме тука и сме многу фокусирани. За мене, потешко беше да се подготвам за натпреварот со Џенова отколку за овој меч, иако направивме грешки на превиот меч на Сан Сиро.
