Нашиот капитен, Лео Бонучи, беше во центарот на вниманието на натпреварот против Јуве. Бившиот играч на Јувентус ова лето дојде како големо засилување на Милан и тоа го докажа на натпреварот токму против својот поранешен клуб, на кој успеа да му даде гол и да им ја прекине серијата без примен гол. Како тренерот, така и Лео даде свое видување за самиот натпревар, за ‘дочекот’ од фановите на Јувентус и неговата прослава по постигнатиот гол.
Дочекот од фановите на Јуве? Кога го носев дресот на Јуве, секогаш го давав максимумот, но секој е слободен да мисли како сака. Јас дадов многу за Јуве, како што и Јуве даде многу за мене. Постојат одредени работи кои ме натераа да ја донесам оваа одлука. Јас секогаш го давам максимумот и сега ќе го давам својот максимум за дресот на Милан. Одиграв добро и успеав да рипнам повисоко во ситуацијата за голот. Киелини и Барѕаљи беа бесни по голот? Ако јас примев таков гол од еден од нив, и јас ќе бев бесен исто така, но пријателство кое оди и надвор од теренот е тоа што не поврзува нас.
Лигата на Шампионите? Ние имаме обврска да веруваме во тоа. Против Јуве одигравме добар натпревар,но исто како и во Лондон, се губевме во битните моменти. Ние мора да растеме, имаме многу млади играчи во тимот. Нормално е дека сум несреќен поради поразот, но мора да гледаме на работите со оптимизам. Да влезеше ударот на Чалханоглу, ќе гледавме сосема поинаков натпревар.
Како да го подигнеме нивото на игра? Се креираше одлична основа, одличен микс. Ако треба да му дадам совет на клубот, иако Фасоне и Мирабели имаат огромно искуство, тоа е дека треба да имаме играчи кои се навикнати да играат во Европа, со интернационално искуство кое исто така ќе го крене нивото на тренинзите. Прекин на серијата на Јуве без примен гол? Судбина. Убаво е да постигнеш гол, но поразот боли. Ние одигравме подобро од Јувентус во поголемиот дел од натпреварот, но Јуве е создаден од одлични играчи кој успеаа да го променат текот на натпреварот со еден потег. Ако не одиграш совршен натпревар, тие ќе те казнат. Јуве докажа дека е многу тешко да ги победиш.
Како да продолжиме после ваков натпревар? Имаме големо жалење бидејќи со малце повеќе внимание и фокус, можевме да извлечеме навистина добар резултат. Немавме среќа со пречката на Хакан, но мора да го искористиме ова како едно искуство. Дербито? Исклучително важно е да се победи, бидејќи е дерби и бидејќи сме во трка за нашата цел. Милан треба да даде се од себе и да го победи Интер на Сан Сиро, за да може да ги задржи шансите за пласман во Лигата на Шампионите.
