Пред натпреварот со Лудогорец во рамките на Лига Европа, тренерот Гатузо, овој пат придружуван од Рикардо Родригез, се обрати на редовната прес конференција. Во продолжение, ви пренесуваме дел од зборовите на тренерот и швајцарскиот интернационалец:
ГАТУЗО
Мојот најголем страв е потценување на противникот. Морам да ги убедам момците дека нема да биде воопшто лесно. Високата победа од 0-3 во Бугарија може лесно да не збуни. Мора да го почитуваме Лудогорец, тие имаат повеќе од еден силен играч кој може да ни зададе проблеми и за разлика од нив, ние имаме што да загубиме. Воопшто не размислуваме на ждребот во петок, ниту пак размислуваме за можниот пласман во финале, туку сме фокусирани само на утрешниот натпревар.
Немаме простор за грешка во ниту едно од трите натпреварувања во кои учестувваме сезонава. Во лигата загубивме премногу поени досега, дел со претходниот тренер, дел со мене. Во Лига Европа или во Купот, доколку направиш грешка, веднаш излегуваш од натпреварувањето. Играњето натпревари на три фронта влијае на нашата физичка состојба, што е и нормално. Утре ќе им дозволам на одредени фудбалери да земат здив и да одморат, бидејќи тоа им е потребно. Шпекулациите околку менаџментот на клубот не влијаат кај нас. Овој клуб е перфектна машина на организациски план. Се’ работи како што треба и не гледам причина зошто би се грижел. Ние не дискутираме за проблеми кои не постојат.
Кутроне има 20 години. Тој игра често, но вчера не беше дел од посебната група која тренираше одвоено, туку тренираше со полна пареа и е во одлична кондиција. Андре Силва? Тренира толку напорно што некогаш е потребно да го сопрете. Тој е секогаш еден од послендите кои заминува од Миланело. Вистинскиот Андре Силва е она што го видовме во последните 20 минути на мечот со Сампдорија. Сигурен сум дека наскоро ќе даде гол и ќе му помогне да биде порелаксиран. Локатели е силен млад дечко. Тој има голем квалитет и не смее да го загуби ентузијазмот. Потребен ни е. Има добра техника, но може да ја подобри физичкиот аспект од својата игра. Треба да продолжи да работи напорно, бидејќи поседува се што е потребно за да стане играч од светска класа. Родригез? Тој може многу повеќе. Има силина и техника и е играч со големо искуство.
РОДРИГЕЗ
Тренерот е во право. Секако дека можам повеќе и се трудам. Ќе дадам се од себе да продолжам со напредокот. Како тим, добро напредуваме, играме на високо ниво и продолжуваме со победите. Сега треба да бидеме “на земја” и да работиме напорно, фокусирајќи се на еден натпревар. Лудогорец е брза екипа. Ние го знаеме ова и мора да дадеме се од себе за да ги спречиме. Промашениот пенал против Сампдорија? Го промашив пеналот, да, но тоа беше и добра одбрана на Вивиано, на кого му честитам. Но не кријам, ако има пак шанса за да шутирам пенал, без размислување би шутирал. Тренерот веднаш ме поддржа, што е многу важно.
