Несреќниот пораз во Дербито на Милано од Интер, резултираше со уште полоша игра во натрпеварот од Лига Европа. Бетис целосно ги надигра Росонерите и заслужено победи со 2-1. Гатузо како да немаше идеја на теренот, а играчите без желба и мотив, си го добија заслуженото. Пред дербито со Јувентус остануваат уште 3 кола за Милан во Серија А, две против градските ривали од Џенова, Сампдорија и заостанатото прво коло со Џеноа на Сан Сиро и една против Удинезе на Дачија Арена. Доколку Милан се уште се надева на едно од четирите места кои водат во Лигата на шампионите, ќе мора да обезбеди максимални 9 бода. Во прес-конференцијата пред натпреварот со Сампдорија, Гатузо одговараше на прашањата на новинарите.
Сампдорија има добра одбрана, ако не сум грешка, тие имаат примено само 4 гола. Нивната одбрана добро игра и мора да ги ставиме под притисок. Знаеме дека се добро организирани и имаат одличен тренер и утре ние ќе мораме добро да играме ако ги сакаме трите бода.
Ќе видиме утре како ќе играме, пробавме тактика со тројца во одбрана, со четворица, со двајца напаѓачи, 4-3-3, 3-5-2. Ќе видиме утре.
Доаѓаме од два тешки порази, но јас не сум поразен, тимот не е мртов, јас сум тип кој се вознемирува на вакви натпревари, но знам што можам да им дадам на моите момци и на тимот. Треба да погледнеме напред. Утре сакам да видам одличен карактер и желба за искупување, а исто така и ведрина. Треба слободно да играме и да го најдеме нашиот моментум. Треба да ја пронајдеме таа дополнителна искра на индивидуално ниво. Кога не можете да го спроведете она што го подготвувате во текот на неделата, тоа е вознемирувачки. Нашите последни натпревари не ги одигравме технички добро и верувам дека можеме да бидеме подобри.
Сите ние сме во ова. Имавме некои несреќни резултати и ги признавам, но клубот секогаш ме поддржуваше, тие се секогаш присутни. Вчера Леонардо и Малдини дојдоа да нѐ посетат и да разговараат на играчите. Мора да продолжиме да работиме, бидејќи она што го правиме не е доволно, не зборуваме за алиби: нека ја преземеме одговорноста. Сакам да видам 23 лавови на теренот, дури и без тактики, но со чувство на припадност и желба за победа. Сакам да видам Милан подготвен да направи нешто за да победи, би сакал да ги видам сите со карактерот и желбата на Кутроне.
Патрик Кутроне го прославува својот гол против Олимпијакос, 4 октомври 2018
Игуаин не поминува низ најдобар период, добива повеќе топки во шеснаесетникот и ние секогаш се обидуваме да го пронајдеме, но мора да се нервира помалку, не може да ја губи така енергијата. Гонзало е лидер во тимот и се шегува со секого. Тој е пример за многу деца.
Матија Калдара само што се опорави од неговата повреда. Штом ќе добие шанса, тој ќе ги покаже неговите квалитети. Јас ќе го играв во натпреварот против Реал Бетис, но му треба уште малку време.
Момците не мора да играат за мене, но мора да одат во потрага по резултатот, знам дека навистина веруваат во мене. Утре е важно да играме жестоко, ги убедиме нашите навивачи и го користиме нивниот дух. Мораме исто така да ја пренесуваме нивната енергија на теренот.
Кеси има проблем со својот глужд, а Чалханоглу исто така имаше проблеми против Интер. Ќе оцениме утре.
Гонзало Игуаин по последниот свиреж на судијата на натпреварот Милан-Бетис, 25 октомври 2018
